Kuba ABŞ sanksiyalarından yayınmaq və adaya yanacaq və digər malların daşınmasını məhdudlaşdırmaq məqsədi daşıyan “Nuestra América” karvanından humanitar yardım göndərilməsini qəbul edib.

Yardım ötən həftə Meksikadakı Proqreso limanından yola düşən və martın 24-də səhər tezdən Havana limanına daxil olan kiçik bir gəmi ilə gəlib. Kuba hakimiyyəti 14 ton qida, dərman, günəş panelləri və velosipedi təhvil alıb.

Havanaya çatan gəmi Proqresodan yola düşən karvandakı üç gəmidən biri idi. Daha iki gəminin sonra gələləcəyi gözlənilir.

Ötən həftə fəallar həmçinin xəstəxanalara çatdırılan materiallar da daxil olmaqla, ümumilikdə 6 ton ləvazimat çatdırıblar. yardımların çatdırılması Kuba dövlət televiziyasında yayımlanıb.

Kuba prezidenti Miguel Dias-Kanel ötən həftə karvanın üzvlərini, o cümlədən Britaniya İşçi Partiyasının keçmiş lideri Jeremy Corbyn kimi Avropa siyasətçilərini prezident sarayında qəbul edib.

“Nuestra América” koalisiyası, vətəndaş cəmiyyəti təşkilatları, həmkarlar ittifaqları, siyasi partiyalar və parlament üzvləri də daxil olmaqla, 30-dan çox ölkədən təxminən 300 təşkilatdan ibarətdir.

"Bu, yalnız ilk addımdır. Daha çox dəstək gələcək", - deyə braziliyalı fəal Tiago Avila bildirib.

Simvolik yardım çatdırılması

Martın 24-də Karib dənizindəki əlverişsiz hava şəraiti səbəbindən təxirə salınan yardım çatdırılma işi əsasən nəqliyyat, səhiyyə və elektrik enerjisi istehsalı kimi sahələrə təsir edən ciddi iqtisadi böhranla üzləşən bir ölkə üçün simvolik olaraq təsvir edilib.

Tramp administrasiyası adaya yanacaq tədarükünü dayandırıb və Kubaya neft tədarük edən ölkələrə tarif tətbiq etməklə hədələyib.

Bu son dəstək Kosta Rikanın Ekvadora qoşulmasından və Kuba ilə diplomatik münasibətləri kəsməsindən qısa müddət sonra verilib.