CBS telekanalının yanvarın 29-da verdiyi məlumata görə, ABŞ prezidenti Donald Trampın "böyük bir donanmanın" İrana doğru getdiyini söyləməsindən sonra Yaxın Şərqə daha bir hərbi gəmi göndərib.
CBS hərbi gəminin "Arleigh Burke sinifli Aegis" idarə olunan raket esminesi "USS Delbert D. Black" olduğunu bildirib.
CBS telekanalının məlumatına görə, ABŞ Mərkəzi Komandanlığının məsuliyyəti altında olan digər ABŞ gəmiləri arasında "USS Abraham Lincoln" təyyarədaşıyan gəmisi, "USS Spruance", "USS Murphy", "USS Frank E. Petersen", "USS McFaul" və "USS Mitscher" esminesləri, eləcə də sahil döyüş gəmiləri "USS Canberra", "USS Tulsa" və "USS Santa Barbara" yer alır.
Pentaqon Tehranla artan gərginlik fonunda regional güc mövqeyində əhəmiyyətli bir dəyişiklik edərək, bölgəyə sürətlə təyyarədaşıyan zərbə qrupu, qabaqcıl qırıcı təyyarə donanmaları və raketdən müdafiə batareyaları yerləşdirməyə davam edir.
Yanvarın 28-də Tramp "böyük donanma"nın İrana doğru getdiyini təkrarlayıb və Tehranın "masa arxasına oturacağına" və Vaşinqtonla danışıqlar aparacağına ümid etdiyini bildirib.
Müdafiə naziri Pit Heqset yanvarın 29-da Vaşinqtonun İranın nüvə silahı proqramını əngəlləmək üçün "bütün variantlardan" istifadə etməyə hazır olduğunu, eyni zamanda diplomatik razılaşmanın hələ də mümkün olduğunu vurğuladığını bildirib.
ABŞ hərbi rəsmiləri yanvarın əvvəlində regionun böyük bir münaqişəyə "hazır olmadığını" bildirmişdilər.
İran ordusu gərginliyin sürətlə artdığı bir vaxtda istənilən hücuma "qətiyyətli və sürətli cavab" veriləcəyi barədə xəbərdarlıq edib.
