İndoneziyada 6,7 bal gücündə zəlzələ baş verib. ABŞ Geoloji Xidmətinin yaydığı məlumata görə, yeraltı təkanların episentri ölkənin Palu şəhərindən 43 kilometr cənub-şərqdə qeydə alınıb. Zəlzələnin ocağının yerin 10 kilometr dərinliyində yerləşdiyi bildirilir. Təbii fəlakət nəticəsində xəsarət alanlar və ya dağıntılar barədə hələlik hər hansı rəsmi məlumat verilməyib.