Misir və ABŞ Qəzzanın yenidən qurulması məsələsini müzakirə edir

Misirin xarici işlər naziri Bədr Əbdüləti bildirib ki, Qahirə Qəzzanın yenidən qurulması ilə bağlı beynəlxalq konfransın təşkili üçün ABŞ-la məsləhətləşmələr aparır.

Dekabrın 2-də Berlində alman həmkarı Yohann Vadeful ilə birgə mətbuat konfransında çıxış edən Əbdüləti qeyd edib ki, konfransın tarixinin müəyyən edilməsi ilə bağlı Vaşinqtonla danışıqlar davam edir. O, tədbirə Misir ilə ABŞ-ın həmsədrlik edəcəyini qeyd edib.

Misirli nazir həmçinin deyib: “İordan çayının qərb sahilindəki vəziyyət, xüsusən də bölgədəki qeyri-qanuni məskunlaşanların günahsız mülki şəxslərə qarşı həyata keçirdikləri terror fəaliyyətləri nəzərə alınarsa, Qəzzadakı vəziyyətdən heç də az acınacaqlı deyil’’.