İsrailli bir müdafiə qrupu İsrailin vəkillərə Braziliya vətəndaşı Tiaqo de Avila ilə Fələstin əsilli ispan aktivişti Saif Əbu Keşəkin azad edilməsi və deportasiya olunma planları barədə məlumat verdiyini bildirib.

Fələstinlilər üçün fəaliyyət göstərən israilli bir müdafiə qrupu mayın 9-da verdiyi açıqlamada İsrail təhlükəsizlik orqanlarının Qəzzaya gedən “Qlobal Sumud” donanmasından iki faalı azad etmək planları barədə onları məlumatlandırdığını qeyd edib.

Adalah təşkilatı açıqlamasında bildirib ki, İsrailin daxili təhlükəsizlik xidməti Şin Bet (Shin Bet) Adalah hüquq qrupuna Braziliya vətəndaşı Tiaqo de Avila ilə Fələstin əsilli ispan aktivişti Saif Əbu Keşəkin gün ərzində sərbəst buraxılacağını xəbər verib.

İsrail rəsmilərinin Avila və Əbu Keşəki miqrasiya idarəsinə təhvil verəcəyi və bu şəxslərin ölkədən çıxarılana qədər nəzarətdə saxlanılacağı da vurğulanıb.

Beerşebadakı İsrail regional məhkəməsi çərşənbə günü "Adalah" insan hüquqları təşkilatının aktiviştlərin həbs müddətinin uzadılmasına qarşı etdiyi etirazı rədd etmişdi.

İsrail qüvvələri aprelin 30-da mühasirə altındakı Qəzzadan təxminən 600 dəniz mili uzaqlıqda yerləşən Yunanıstanın Krit adası sahillərində “Qlobal Sumud” donanmasına hücum edib.

İsrail 2007-ci ildən bəri Qəzzaya ağır blokada tətbiq edir. Bölgədəki 2,4 milyon insan aclıq həddinə çatıb.

İsrail ordusu 2023-cü ilin oktyabrında Qəzzaya qarşı iki il davam edən amansız soyqırım müharibəsi başladıb; bu müharibədə 72 mindən çox insan həlak olub, 172 mindən çoxu yaralanıb və mühasirə altındakı bölgədə genişmiqyaslı dağıntılar baş verib.