Türkiyə COP31 iqlim sammitinə ev sahibliyi edəcək
Sammitin Türkiyənin Antalya şəhərində keçiriləcəyi bildirilib
Türkiyə gələn il COP31 iqlim sammitinə ev sahibliyi edəcək. Avstraliya Baş naziri Antoni Albanesenin rəsmi Kanberranın namizədliyini geri götürməsindən sonra sammitin Türkiyənin Aralıq dənizi sahilində yerləşən Antalya şəhərində keçirilməsi razılaşdırılıb.
Albanese Avstraliyanın ictimai yayım orqanı ABC Radio Perth-ə açıqlamasında bildirib ki, iqlim dəyişikliyi naziri Kris Bouenin Avstraliya adından COP prezidenti kimi danışıqlar aparmasına razılıq verilib.
Baş nazir qeyd edib ki, sammitə və ümumi COP prosesinə Türkiyə sədrlik edəcək. COP-dan əvvəl keçiriləcək hazırlıq toplantısında isə xüsusilə Sakit Okean regionunda iqlim maliyyəsi və Sakit Okean Davamlılığı Mexanizmi müzakirə olunacaq. Bu görüş gələn il baş tutacaq Sakit Okean COP-u üçün hazırlıq xarakteri daşıyır.
Albanese əldə olunan razılaşmanı həm Avstraliya, həm də Türkiyə üçün mühüm qələbə adlandırıb
O, həmçinin vurğulayıb ki, iqlim konfransları konsensus prinsipi əsasında keçirilir. Əgər bu razılıq əldə olunmasaydı COP31-in Almaniyanın Bonn şəhərində keçirilməsi nəzərdə tutulurdu.