Türkiyə Prezidenti Rəcəb Tayyib Ərdoğan martın 24-də Qazaxıstan Prezidenti Kasım-Jomart Tokayev ilə telefon danışığı aparıb. Bu barədə Türkiyə Prezident Administrasiyasının İctimaiyyətlə Əlaqələr İdarəsi “NSosial” platforması üzərindən yaydığı məlumatda bildirib.

Məlumata əsasən, tərəflər arası danışıq zamanı Türkiyə ilə Qazaxıstan arasında əməkdaşlıq məsələləri ilə yanaşı, regional və qlobal inkişaflar müzakirə olunub.

Ölkə rəhbəri R.T.Ərdoğan rəsmi Ankaranın Astana rəhbərliyi ilə münasibətləri daha da gücləndirməkdə qətiyyətli olduğunu bir daha vurğulayaraq, əlaqələri daha yüksək səviyyəyə qaldırmaq istiqamətində işlərin davam etdiyini və qarşıdakı dövrdə əlavə addımların atılacağını bildirib.

Prezident R.T.Ərdoğan həmçinin Qazaxıstanda keçirilmiş ümumxalq referendumunun uğurla başa çatması və yeni Konstitusiyanın qəbul olunması münasibətilə Tokayevi təbrik edib. Bundan əlavə, ölkə başçısı R.T.Ərdoğan həmkarı K.J.Tokayevi Ramazan bayramı və Novruz bayramı münasibətilə də təbrik edib.