Suriya prezidenti Əhməd Şaraa iyulun 17-də bildirib ki, İsrailin regionda sabitliyi pozmaq planları xarici vasitəçilərin müdaxiləsi və dövlətin öz səyləri sayəsində iflasa uğrayıb.

Suriya dövlət başçısı televiziya müraciətində deyib: "Biz müharibədən qorxanlardan deyilik. Həyatımızı çətinliklərlə üzləşərək və xalqımızı müdafiə etməklə keçirmişik, lakin suriyalıların maraqlarını xaos və dağıntıdan üstün tutmuşuq".

İsrailin mülki şəxsləri və ictimai qurumları hədəf alan təcavüzünə baxmayaraq, "dövlətin sabitliyi bərpa etmək və qeyri-qanuni qrupları bölgədən çıxarmaq səylərinin uğurlu olduğunu" ifadə edən Şaraa bunun "Amerika, ərəb və türk vasitəçilərinin təsirli müdaxiləsi olmadan bölgəni naməlum aqibətdən xilas etməyəcəyini" bildirib.

İyulun 16-da İsrail ordusu druz icmasını qorumaq bəhanəsi ilə paytaxt Dəməşqə, eləcə də Suveyda və Dəraya hava zərbələri endirib.

Daxili İşlər Nazirliyi hücumlarda 30-dan çox adamın öldüyünü, 100-ə yaxın insanın yaralandığını açıqlayıb.