Festival ərazisini gəzən, iştirakçılar və uşaqlarla söhbət edən Ərdoğan bəzi vətəndaşlarla şəkil çəkdirib, uşaqlara cibxərcliyi verib.

Prezident Rəcəb Tayyib Ərdoğan "Ailə və Əhali Onilliyi" proqramı çərçivəsində Rami Kitabxanasında təşkil olunan "AileFest" festivalını gəzib.

Prezident Ərdoğan Türkiyə Könüllü Təşkilatlar Fondu (TGTV) tərəfindən Mədəniyyət və Turizm Nazirliyi, Milli Təhsil Nazirliyi, Ailə və Sosial Xidmətlər Nazirliyi, eləcə də İstanbul Valiliyinin dəstəyi ilə keçirilən proqramda iştirak edib.

Festival ərazisini gəzən, iştirakçılar və uşaqlarla söhbət edən Ərdoğan bəzi vətəndaşlarla şəkil çəkdirib, uşaqlara cibxərcliyi verib.

Tədbirlə bağlı görülən işlər barədə məlumat alan Ərdoğana mədəniyyət və turizm naziri Mehmet Nuri Ersoy tərəfindən təfsirçi və şair İsmayıl Haqqı Bürsevinin qələmə aldığı Qurani-Kərim təfsiri hədiyyə olunub.

Proqramda AK Partiya fraksiyasının rəhbər müavini Bahadır Yenişehirlioğlu, Prezident Administrasiyasının Kommunikasiya İdarəsinin rəhbəri Burhanettin Duran, mədəniyyət və turizm nazirinin müavini Coşkun Yılmaz, İstanbul valisi Davut Gül və AK Partiyanın İstanbul regional rəhbəri Abdullah Özdemir də iştirak ediblər.

Sentyabrın 26-da başlayan və müxtəlif tədbirlərlə yadda qalan "AileFest" sabah başa çatacaq.