ABŞ-ın hücumlarında indiyə qədər 18 gəmi məhv edilsə də, Vaşinqton hədəflərin narkotik qaçaqmalçılığı ilə əlaqəli olduğuna və ya təhlükə yaratdığına dair konkret dəlil təqdim etməyib.
Pentaqon rəhbəri Pit Heqset ABŞ qüvvələrinin Karib dənizində narkotik qaçaqmalçılığı ilə əlaqəli olduğu iddia edilən başqa bir gəmiyə hücumda üç nəfəri öldürdüyünü və bununla da Vaşinqtonun mübahisəli narkotik əleyhinə əməliyyatında ölənlərin sayının ən azı 70-ə çatdığını açıqlayıb.
Hegset noyabrın 6-da "X" platformasında etdiyi paylaşımda edilən son hücumun hava görüntülərini yayımlyıb. Onun sözlərinə görə, bu hücum beynəlxalq sularda baş verib və əvvəlki hücumlar kimi "terror təşkilatılarından biri tərəfindən idarə olunan gəmi"ni hədəf alıb.
Heqset deyib: "Videoda suda üzən bir qayığın alovlandığı görünür. Qayıqdakı üç kişi narkoterrorçu öldürüldü".
O, paylaşımında əlavə edib: "Vətənimizi təhdid edən bütün narkoterrorçulara: Əgər sağ qalmaq istəyirsinizsə, narkotik qaçaqmalçılığını dayandırın. Ölümcül narkotik qaçaqmalçılığına davam etsəniz, sizi öldürəcəyik".
ABŞ hökuməti tərəfindən yayımlanan bəzi əvvəlki videolarda olduğu kimi, qayığın bir hissəsi qeyri-müəyyən səbəblərdən bulanıqlaşdırılıb.
Latın Amerikasında hərbi yığınaq
ABŞ sentyabrın əvvəlində Karib dənizində və Sakit okeanın şərqindəki qayıqları hədəf alan, ekspertlər tərəfindən məhkəməsiz qətllər kimi təsvir edilən bu hücumları həyata keçirməyə başlayıb.
ABŞ-ın zərbələri nəticəsində indiyə qədər 17 qayıq və bir yarımsualtı qayıq da daxil olmaqla ən azı 18 gəmi məhv edilib, lakin Vaşinqton hələ də hədəflərinin narkotik qaçaqmalçılığı olduğuna və ya ABŞ üçün təhlükə yaratdığına dair konkret dəlil təqdim etməyib.
Prezident Donald Trampın administrasiyası narkotik qaçaqmalçılığının aradan qaldırılması kampaniyasının bir hissəsi olaraq Latın Amerikasında əhəmiyyətli qüvvələr yerləşdirib. ABŞ indiyə qədər Karib dənizinə altı dəniz gəmisi, Puerto Rikoya F-35 gizli qırıcı təyyarələri və bölgəyə "USS Gerald R. Ford" təyyarədaşıyan zərbə qrupu göndərib.
ABŞ zərbələrində həlak olanların hökumətləri və ailələri ölümlərin əksəriyyətinin balıqçılar kimi mülki şəxslər olduğunu bildiriblər.
"Beynəlxalq hüquqa görə heç bir əsas yoxdur"
Venesuela prezidenti Nikolas Maduro dəfələrlə Trampı onu devirməyə çalışmaqda ittiham edib.
ABŞ bombardmançı təyyarələri oktyabrın ortalarından bəri Karib dənizi üzərində Venesuela sahillərində ən azı dörd dəfə güc nümayişi uçuşları həyata keçiriblər.
ABŞ-da narkotik ittihamları ilə ittiham olunan Maduro ölkəsində narkotik becərilmədiyini və onun iradəsinə zidd olaraq Kolumbiya kokaini üçün tranzit yolu kimi istifadə edildiyini iddia edir.
Tramp administrasiyası hücumları haqlı çıxarmaq üçün bu qrupları terrorçu kimi təsvir edib və Konqresə göndərdiyi memorandumda ABŞ-ın Latın Amerikası narkotik kartelləri ilə "silahlı münaqişədə" olduğunu elan edib.
Birləşmiş Millətlər Təşkilatı ABŞ-dan əməliyyatı dayandırmağı tələb etsə də, insan haqları üzrə komissar Volker Türk edamların "beynəlxalq hüquqa görə heç bir əsası olmayan şərtlər altında" baş verdiyini bildirib.
