"İsrailin Tehrandakı yanacaq anbarlarına hücumu beynəlxalq qanunu pozub", A.Əraqçi

İran xarici işlər naziri Abbas Əraqçi bildirib ki, İsrailin İranın paytaxtı Tehrandakı yanacaq anbarlarını bombalaması "beynəlxalq qanunu pozub və ekoloji fəlakətə səbəb olub".

Əraqçi “X” platformasında etdiyi paylaşımda bildirib ki, region sakinlərinin sağlamlığı və rifahı uzunmüddətli ziyanla üzləşəcək. Torpağın və yeraltı suların çirklənməsi nəsillər boyu davam edən təsirlərə səbəb ola bilər.

O, həmçinin İsrailin "müharibə cinayətlərinə görə" cəzalandırılmasına çağırıb.

İsrail və ABŞ-nin 28 fevralda İrana qarşı başlatdığı hərbi əməliyyatlardan bəri münaqişə daha da şiddətlənib və nəticədə Ali Lider Əli Xamenei də daxil olmaqla təxminən 1 300 nəfər həlak olub.

İran bu hücumlara ABŞ hərbi aktivlərinə ev sahibliyi edən İsrail, İordaniya, İraq və Körfəz ölkələrini hədəf alan pilotsuz təyyarə və raket zərbələri ilə cavab verib.