Xəbərdarlıq Netanyahunun Fələstinin Böyük Britaniya, Kanada və Avstraliya tərəfindən tanınmasından sonra İsrailin İordan çayının qərb sahilinin bəzi hissələrini ilhaq edə biləcəyinin siqnallarını verməsindən sonra edilib.

İsrail mətbuatının məlumatına görə, Avropa rəsmiləri İsrailin işğal olunmuş İordan çayının qərb sahilinin bəzi hissələrini ilhaq etmək planları ilə bağlı sərt xəbərdarlıq edib.

İsrailin "Channel 12" telekanalının məlumatına görə, bir neçə avropalı rəsmisentyarın 21-də İsrail hökumətinə sərt mesaj verib və bu, işğal olunmuş Fələstin ərazilərinin bəzi hissələrinin ilhaqı ehtimalını gündəmə gətirib.

Rəsmilər “Netanyahu və hökuməti Yaxın Şərqdə tikilmiş hər şeyi məhv etmək istəsələr, bunun nəticələri ilə üzləşməli olacaqlar” deyə xəbərdarlıq ediblər.

Xəbərdarlıq bir müddət əvvəl İsrailin Böyük Britaniya, Kanada və Avstraliyanın Fələstin Dövlətini tanımaq qərarına cavab olaraq İordan çayının qərb sahilinin bəzi hissələrini ilhaq edə biləcəyinə işarə edən Netanyahunun bəyanatlarından sonra edili.

Netanyahunun ofisindən yayımlanan videomüraciətdə Netanyahu Fələstini tanıyan ölkələrin “terrorçuluğu mükafatlandırdığını” iddia edib.

İsrailin uzun müddətdir Fələstin dövlətinin qurulmasına mane olduğunu vurğulayan Netanyahu bunu davam etdirəcəyinə söz verib.

Netanyahu həmçinin işğal altındakı Fələstin ərazilərində tikilmiş qeyri-qanuni yəhudi məskənlərinin sayını artıq iki dəfə artırdıqlarını və İsrailin Fələstin dövlətinin qurulmasına icazə verməyəcəyini bəyan edərək, onları genişləndirməyə davam edəcəkləri vədini verib.