Perunun keçmiş prezidenti Pedro Kastillo 11 il müddətinə azadlıqdan məhrum edilib

Perunun keçmiş prezidenti Pedro Kastillo 2022-ci ilin 27 noyabrında baş vermiş uğursuz çevriliş cəhdi ilə əlaqədar üsyan törətmək ittihamı ilə 11 ildən çox həbs cəzasına məhkum edilib.

Hökmdə həmçinin onun konstitusiya quruluşunu pozması səbəbilə iki il müddətinə dövlət vəzifəsi tutmaq qadağası da nəzərdə tutulub.

Lakin məhkəmə Kastilloya vəzifə səlahiyyətlərindən sui-istifadə etmək və ictimai asayişi pozmaq ittihamları üzrə bəraət verib.

Ali Məhkəmə eyni ittihamları keçmiş nazirlər Betsi Çaves və Villi Uertaya, eləcə də keçmiş müşaviri Anibal Torresə qarşı irəli sürərək prokurorluğun tələbini təmin edib.

Kastillo 2022-ci ilin dekabrında Konqresi buraxmaq və fövqəladə vəziyyət elan etmək cəhdi ilə əlaqədar mühakimə olundu.

Elə həmin gün polis Kastillonu hökumət sarayından çıxarkən həbs edib. Məlumata görə, o, ailəsi ilə birlikdə Meksika səfirliyinə yollanırdı. Konqres isə Kastillonu dərhal vəzifəsindən uzaqlaşdırıb.