AFP-nin yaydığı məlumata görə, İsrail qüvvələri tərəfindən Krit sahillərində saxlanılan onlarla fəal mayın 1-də Yunanıstana göndərilib. Yunanıstan sahil mühafizə dəstələrinin müşayiəti ilə təxminən 175 fəal hakimiyyət orqanları tərəfindən dörd avtobusla ərazidən uzaqlaşdırılaraq adı açıqlanmayan məntəqəyə aparılıb.

İsrailin xarici işlər naziri Gideon Saar "X" platformasında etdiyi paylaşımda prosesin Yunanıstan hökuməti ilə koordinasiyalı şəkildə həyata keçirildiyini vurğulayıb. O, donanma iştirakçılarını qəbul etməyə hazır olduqları üçün Yunanıstan tərəfinə təşəkkürünü bildirib. Saxlanılanlar arasında öz vətəndaşları olan bir neçə Avropa ölkəsi isə İsraili fəalları dərhal azad etməyə çağırıb və baş verənləri beynəlxalq hüququn açıq şəkildə pozulması kimi qiymətləndirib.

ABŞ hakimiyyəti İsrailə dəstək verərək bu kampaniyanı "siyasi şou" adlandırıb. ABŞ Dövlət Departamentinin sözçüsü Tommi Piqot müttəfiqlərini bu prosesə qarşı qəti tədbirlər görməyə çağırıb.