Türkiyə dövləti NATO-nun 77-ci ildönümünü qeyd edir
Türkiyə NATO-nun yaradılmasının 77-ci ildönümünü qeyd edərək alyans daxilindəki mühüm rolunu bir daha vurğuladı
Türkiyə Xarici İşlər Nazirliyi ölkənin hərbi potensialına və təhlükəsizlik sahəsində verdiyi töhfələrə diqqət çəkərək 2026-cı ildə keçiriləcək NATO Zirvəsinə Ankaranın ev sahibliyi edəcəyini bildirib.
Bu barədə Xarici İşlər Nazirliyinin rəsmi “X” platformasında edilən paylaşımda bildirilib. Açıqlamada deyilir: “1952-ci ildən üzvü olduğumuz NATO-nun 77-ci ildönümünü qeyd edirik. Ölkəmiz Avropa-Atlantik təhlükəsizliyinin əsas platforması olan NATO-da qabaqcıl rolunu ilk gündən etibarən eyni qətiyyət və 360 dərəcəlik təhlükəsizlik yanaşması ilə davam etdirir. Güclü ordusu, inkişaf etmiş hərbi imkanları və dinamik müdafiə sənayesi ilə Avropa-Atlantik təhlükəsizliyinə konkret və geniş töhfələr verən ölkəmizin 7–8 iyul 2026-cı il tarixlərində Ankarada NATO Zirvəsinə ev sahibliyi etməsi İttifaqa sadiqliyimizin əlavə göstəricisidir.”
Məsələylə bağlı Türkiyə Milli Müdafiə Nazirliyi də eyni platformada paylaşım edərək bildirib: “1952-ci ildən etibarən seçkin üzvü olduğumuz NATO-nun yaradılmasının 77-ci ildönümü münasibətilə təbrik edirik. Ölkəmiz İttifaqa qoşulduğu 1952-ci ildən bu yana üzərinə götürdüyü bütün vəzifə və missiyaları uğurla yerinə yetirməyə, NATO-nun fəal və konstruktiv üzvü olmağa davam edir.”