Egey İxracatçıları Assosiasiyalarının açıqlamasına görə, Türkiyə aparıcı limon ixracatçıları ölkələri arasında dünyada 5-ci yerdədir.

Egey Yaş Meyvə və Tərəvəz İxracatçıları Assosiasiyasının sədri Cengiz Balık ixrac həcminin azalmasına baxmayaraq, gəlir artımının ixrac qiymətlərinin artmasından mənbələndiyini vurğulayıb.

C.Balık Türkiyənin 2025-ci ildə 3 milyard 703 milyon dollarlıq yaş meyvə və tərəvəz ixracının 11%-ni limonun təşkil etdiyini bildirib və əlavə edib ki, istehsal olunan yaş meyvə və tərəvəzin orta hesabla 7%-i ixrac edilsə də, limon üçün bu rəqəm 33%-ə çatıb.

Hədəf 500 milyon dolları keçmək

Cengiz Balık deyib ki, yanvar-aprel dövründə limon ixracımız 18 faiz artımla 165 milyon dollardan 195 milyon dollara çıxıb. 2026-cı ilin sonuna qədər limon ixracının 500 milyon dolları keçməsini hədəfləyirik.

Balık qeyd edib ki, Türkiyənin 2002-ci ildə 230 min tona çatan limon ixracı 2024-cü ildə 577 min tona çatıb. O əlavə edib ki, 2026-cı il məhsulu barədə danışmaq üçün hələ tezdir, lakin 2025-ci il ilə müqayisədə daha yüksək məhsuldarlıq gözlənilir.

Balık həmçinin bildirib ki, yanvar-aprel dövründə İraq 64,5 milyon dollarla birinci, Rusiya 50 milyon dollarla ikinci və Rumıniya 14,5 milyon dollarla üçüncü yeri tuturlar.