Bu gün Yaxın Şərq turuna başlayan ABŞ-nin dövlət katibi Marko Rubio Vaşinqton ilə Tehran arasında imzalanan müqavilədə İrana verilən güzəştlərlə bağlı regional müttəfiqlərinin narahatlıqlarını aradan qaldırmağa çalışacaq.

Bəzi Körfəz ölkələri hesab edir ki, sazişdə tanınan güzəştlər İran üçün həddindən artıq əlverişlidir.

Məlumata əsasən, Marko Rubio iyunun 23-də Əbu-Dabiyə səfər edib. Burada jurnalistlərin suallarını cavablandıran ABŞ-nin dövlət katibi deyib: "Bu məsələ mütləq danışıqlarda müzakirə olunacaq". O, həmçinin müqavilə mətninə daxil edilməyən digər problemlərin də həll olunacağını qeyd edib.

Marko Rubio Yaxın Şərq turu çərçivəsində Birləşmiş Ərəb Əmirlikləri və Küveytə də səfər edəcək. ABŞ hərbi bazalarına ev sahibliyi edən hər iki ölkə münaqişə zamanı İranın raket zərbələri nəticəsində itkilər verib.

Qeyd edək ki, ABŞ Senatı dünən Prezident Trampın İrana qarşı hərbi əməliyyat aparmaq səlahiyyətini məhdudlaşdıran qanun layihəsini qəbul edib. Trampın müharibə səlahiyyətlərini məhdudlaşdıran analoji qanun layihəsi bu ayın əvvəlində Nümayəndələr Palatası tərəfindən də təsdiqlənmişdi. Layihənin lehinə 50 senator ses verib.