Ərdoğan: "Fələstinin "gec" də olsa tanınması əhəmiyyət kəsb edir"

Prezident Ərdoğan Boğaziçi Diplomatiya Forumunda çıxışı zamanı Qəzzada aclığın silah kimi istifadə edildiyini ifadə edərək, regional münaqişələrə qlobal laqeyd münasibəti pisləyib və İkinci Dünya Müharibəsindən sonrakı nizamın legitimliyini itirdiyini bildirib.

Prezident Rəcəb Tayyib Ərdoğan sentyabrın 27-də verdiyi açıqlamada Fələstin dövlətinin tanınmasının ədalətə doğru "kritik addım" olduğunu, lakin Qəzzada on minlərlə insanın həyatını itirməsindən sonra bu tanınmanın çox gec olduğunu bildirib.

İstanbulda keçirilən Boğaziçi Diplomatiya Forumunda çıxış edən Ərdoğan bir çox ölkənin Fələstini tanıması ilə bağlı son qərarlarını “gecikmiş, lakin vacib” qərar kimi qiymətləndirib.

Ərdoğan "On illərdir fələstinli bacı-qardaşlarımıza edilən haqsızlıqların hər hansı düzəlişini təqdir edə bilərik, lakin bu sualı verməməkdən əl çəkə bilmərik: Bu addımlar daha tez atıla bilməzdimi? 65 min günahsız insanın ölümündən əvvəl Fələstini qorumaq mümkün deyildimi?"

İsrailin sərt tənqidi

"Qəzza məsələsini HƏMAS-a yükləyənlər yavaş-yavaş həqiqətin belə olmadığını anlayırlar. Getdikcə aydın olur ki, İsrailin problemi təkcə Qəzzə deyil", - deyən Ərdoğan aclığın mülki şəxslərə qarşı "kütləvi qırğın silahı" kimi "ehtiyatsızcasına" istifadə edildiyini vurğulayıb.

Ərdoğan həmçinin Qəzzə blokadasını yarmağa hazırlaşan "Qlobal Sumud" donanmasının fəallarını salamlayaraq, onlara sağ-salamat keçidlərini arzulayıb.

Regional və qlobal məsuliyyət

Dövlət başçısı beynəlxalq reaksiyanın kifayətsizliyini tənqid edərək, Netanyahunun bir gün əvvəl BMT Baş Assambleyasında “boş yerlərlə” qarşılaşdığını vurğulayıb. “Bu soyqırım şəbəkəsinin başçısı öz yalanlarına və təhdidlərinə tamaşaçı tapmadı” deyib.

Prezident Ərdoğan çıxışında ayrıca qeyd edib ki, Qəzza, Yəmən, Suriya, Sudan, Somali küçələrində düşən hər bir həyat bizim üçün itkidir. Hər kəs biganə qalsa da, bölgəmizdəki iztirablara, zülmə, bitib-tükənməyən qarşıdurmalara biganə qala bilmərik.

Türkiyənin rolu və qlobal nizam

Türkiyənin sabitlik üçün bir güc olduğunu bildirən Ərdoğan ölkəsinin “ədalətli sülh üçün çalışdığını” və Yaxın Şərqdə “güclü və davamlı sülh və əmin-amanlıq bərqərar etməyi” hədəflədiyini bildirib.

Ərdoğan İkinci Dünya Müharibəsindən sonra qalib dövlətlərin yaratdığı nizamın “həm funksionallığını, həm də etibarlılığını itirdiyini” və nəticədə qlobal sülh və təhlükəsizliyin “sonsuz müharibə və qeyri-sabitlik dövrü” ilə əvəz olunduğunu müdafiə edib.

Prezident Rəcəb Tayyib Ərdoğan çıxışını “Döyüş ağaları atəşə yağ tökərkən, Türkiyə Fələstində, Qəzzada və bütün bölgədə sülhün yolunu açmağa davam edir” sözləri ilə yekunlaşdırıb.