Almaniya Kansleri Fridrix Merts Kiyevdə Ukrayna Prezidenti Volodimir Zelenski ilə görüşüb.
Rusiya Prezidenti Vladimir Putinə çağırış edən kansler mülki əhaliyə qarşı hücumların dərhal dayandırılmasını tələb edib. Müharibənin Ukraynadakı gündəlik həyata dağıdıcı təsir göstərdiyini vurğulayan Fridriz Merts ölkədə hər gün hərbi cinayətlərin törədildiyini ifadə edib.
"Bu mənasız müharibəni dayandırın. Biz müharibənin bitməsini müzakirə etməyə hazırıq, amma Ukraynada mülki əhaliyə qarşı bu vəhşi hücumlara son qoyulmalıdır",-deyə Fridrix Merts qeyd edib.
Bildirilib ki, Almaniya hökuməti Ukraynaya təxminən 1 milyard avro dəyərində hərbi yardım paketi ayırıb. Yardım paketi Rusiyanın təchizat yollarını hədəf ala bilən uzaq mənzilli silahların istehsalını sürətləndirməyi, eləcə də Ukrayna ilə birgə pilotsuz uçuş aparatlarının (PUA) istehsalını artırmağı hədəfləyir.
Bunlardan əlavə, Rusiyanın hücumları nəticəsində dağıdılmış elektrik stansiyalarının təmiri və yenidən qurulması üçün 350 milyon avro ayrılacaq və bununla da elan edilən hərbi və enerji dəstəyinin ümumi məbləği 1,35 milyard avroya çatacaq.
Qeyd edək ki, Almaniya bu günə qədər Ukraynaya 43 milyard avro həcmində hərbi yardım edib.
