ABŞ prezidenti Donald Tramp cavab zərbəsi olaraq Körfəz ölkələrinə hücum ediləcəyini bilsələr belə, İrana qarşı yenə də müharibəni davam etdirəcəklərini bildirərkən, "Bu, 'Görəsən bilməli idiniz?' kimi bir sual deyil. Bilsək belə, nə olsun ki? Etməli olduğumuzu etməliyik" şəklində danışıb.

Çox sayda Körfəz ölkəsinin İranın atəşi altında olduğunu qeyd edən Tramp "Səudiyyə Ərəbistanı, sonra birdən-birə Küveyt. Küveyt vurulur. Bəhreyn vurulur... Bütün bu ölkələr vurulur. Bunun baş verəcəyini söyləyəcək bir ekspert yox idi" ifadələrini işlədib.

Tramp həmçinin İran ilə müharibənin bu həftə sona çatmayacağını, lakin "tezliklə" nəticələnəcəyini, "uzun sürməyəcəyini" deyib.

"Bu iş nəticələndiyində çox daha təhlükəsiz bir dünyamız olacaq. Yaxın zamanda sona çatacaq", -deyə bildirən Tramp şəxsən istəksiz olmasına baxmayaraq hərəkətə keçmək məsələsində "öhdəliyi" olduğunu da sözlərinə əlavə edib.

ABŞ-nin İrana qarşı hücumları olmasaydı nüvə müharibəsinin baş verəcəyini və bunun da III Dünya Müharibəsinə çevriləcəyini iddia edən Tramp sözügedən əməliyyatı bir müharibə seçimindən daha çox bir zərurət kimi xarakterizə edib.

Bu açıqlamalar rəhbərliyin müharibənin müddətinə dair dəyişkən və çox vaxt ziddiyyətli mesajlarını əks etdirir.

Tramp başlanğıcda əməliyyatın dörd-beş həftə sürəcəyini irəli sürmüş və bir çox dəfə "planlaşdırılandan daha sürətli irəlilədiklərini" qeyd etmişdi.

Enerji naziri Kris Rayt martın 15-də əməliyyatın bir neçə həftə ərzində "mütləq" sona çatacağını bildirsə də, müdafiə naziri Pit Heqset keçən həftə, bunun "sadəcə başlanğıc" olduğunu deyərkən, “Axios” xəbər saytı Vaşinqton və müttəfiq paytaxtlardakı rəsmilərin ABŞ-nin iştirakının sentyabr ayına qədər davam etməsinə hazırlıq gördüklərini xəbər verib.

ABŞ-İsrailin İrana qarşı müharibəsi 28 fevralda başlayıb. Hücumlar zamanı aralarında dini lider Əli Xamaneyinin də olduğu 1 200-dən çox insanın ölümünə yol açıb.

Əməliyyatın başlanğıcından bəri 14 ABŞ əsgəri həyatını itirib.