“Microsoft” şirkəti 5 may 2025-ci il tarixindən etibarən “Skype” platformasının fəaliyyətini 22 ildən sonra rəsmi olaraq dayandırdığını açıqlayıb.

Bu barədə məlumat şirkətin texniki dəstək səhifəsində yerləşdirilib.

Bildirilib ki, həmin tarixədək istifadəçilər “Skype”dan istifadəni davam etdirə bilərlər, daha sonra isə istifadəçi hesabları avtomatik olaraq “Microsoft Teams” xidmətinə köçürüləcək.

“2025-ci ilin may ayından etibarən Skype artıq əlçatan olmayacaq,” deyə rəsmi açıqlamada bildirilib.

Qeyd edək ki, “Skype” platforması ilk dəfə 2003-cü ildə istifadəyə verilib və 2011-ci ildə “Microsoft” tərəfindən alınıb.

Bundan əlavə, ayrı bir açıqlamada bildirilib: “2025-ci ilin 5 may tarixindən sonra “Skype Dial Pad” yalnız “Skype” veb portalı və “Teams” daxilində qalan ödənişli istifadəçilər üçün əlçatan olacaq.”