ABŞ dövlət katibi Marko Rubio bildirib ki, Çin Kommunist Partiyasına üzv olan və ya kritik əhəmiyyət kəsb edən sahələrdə təhsil alan çinli tələbələrin vizaları ləğv ediləcək. O, çərşənbə günü qeyd edib ki, Dövlət Departamenti Çin və Honq Konqdan gələn bütün viza müraciətlərinə daha ciddi şəkildə yanaşacaq.
Beynəlxalq Təhsil İnstitutunun məlumatına əsasən, Çin 2023/2024-cü tədris ilində 277,398 tələbə ilə ABŞ-da təhsil alan beynəlxalq tələbələr arasında ikinci yerdə qərarlaşıb.
Bundan əlavə, Dövlət Departamentinin tələbə və mübadilə vizası üçün yeni görüşləri dayandırdığı bildirilib.
Qeyd edək ki, Donald Tramp administrasiyası beynəlxalq tələbələrin sosial media hesablarına nəzarəti artırıb və immiqrasiyaya qarşı mübarizə çərçivəsində tələbə vizalarının ləğvini və deportasiyaların sayının çoxaldılmasını hədəfləyib.
