Fələstinli fotoqraf Saher Alghorra, Qəzzadakı humanitar böhranı sarsıdıcı bir şəkildə sənədləşdirdiyi işləri ilə 2026-cı il Pulitzer Mükafatına layiq görülüb.
"New York Times" ilə əməkdaşlıq edən Alghorra Pulitzer mükafatının icraçı direktoru Marcori Millerin (Marjorie Miller) "təsirli" və "həssas" kimi xarakterizə etdiyi bir sıra foto-layihələrinə görə bu mükafatı qazanıb.
Alghorranın fotoları 2023-cü ilin oktyabr ayından bəri İsrailin Qəzzada həyata keçirdiyi soyqırımın səbəb olduğu aclıq və dağıntıları gözlər önünə sərir.
Miller artan maneələr qarşısında müstəqil jurnalistikanın əhəmiyyətini vurğulayıb. Alghorra Pulitzer ilə yanaşı, oktyabr ayında Fransada keçirilən 32-ci "Prix Bayeux-Calvados-Normandie" müsabiqəsində də müharibə fotoqrafiyası nominasiyasında birinci yeri tutub.
Alghorranın "Qəzzada tələyə düşmək: Atəş və aclıq arasında" adlı mükafatlı işi, mühasirə altındakı həyatın reallığını, bombardman və aclıq arasında qalan mülki şəxslərin vəziyyətini ortaya qoyub.
Araşdırmaçı və milli xəbərçilik
"Reuters" agentliyi isə hökumətlərin öz nüfuzlarından istifadə etmələrini sənədləşdirdiyi üçün milli xəbərçilik kateqoriyasında mükafat qazanıb.
digər tərəfdən, "Reuters"dən Ceff Horvitz (Jeff Horwitz) və Engen Tam (Engen Tham) "Meta" şirkətinin istifadəçiləri "fırıldaqçılıq və süni intellekt manipulyasiyasına" məruz qoymaqdakı rolunu ifşa etdiklərinə görə sahə xəbərçiliyi mükafatını qazanıblar.
İctimai xidmət kateqoriyasında isə "Washington Post" federal qurumların "xaotik şəkildə yenidən qurulmasını" nümayiş etdirən işlərinə görə mükafat alıb.
"Miami Herald"dan Culi K. Brauna (Julie K. Brown) isə Ceffri Epşteynin (Jeffrey Epstein) sistematik şəkildə həyata keçirdiyi istismarı ortaya çıxarmaq üçün göstərdiyi israrlı səylərinə görə xüsusi fəxri fərman verilib.
