Türkiyə Respublikasının prezidenti Rəcəb Tayyib Ərdoğanın həyat yoldaşı, birinci xanım Emine Ərdoğan İsrailin Qəzzadakı soyqırımının ikinci ildönümünü yad edərək, İsraili Fələstin xalqını bütün dünyanın gözü qarşısında yox etməyə çalışdığını bildirib.
O, Türkiyənin yerli sosial media platforması olan “NSosyal”da paylaşdığı bir mesajda belə yazıb: “Əxlaqi dəyərlərini itirmiş bir dövlət, dünyanın gözü qarşısında Fələstin xalqını yox etməyə çalışır. Lakin zalımın zülmü artdıqca, soyqırıma qarşı birləşən qəlblərin səsi də daha güclü yüksəlir.”
Ölkənin birinci xanımı E.Ərdoğan bildirib ki, Qəzza son iki ildə, 20 mindən çoxu uşaq olmaqla, 67 min günahsız insanın öldürüldüyü bir məzarlığa çevrilib və bu torpaqlarda insanlığın vicdanı diri-diri basdırılıb.
O, həmçinin paylaşımında vurğulayıb ki, İsrailin həyata keçirdiyi hücumlarda artıq bir dənə də olsun “əxlaqi, hüquqi, insani və etik sərhəd” qalmayıb.
Emine Ərdoğan həmçinin mühasirə altında olan bölgəyə göndərilən son Aralıq dənizi yardım karvanlarına istinad edərək deyib: “Vicdan sahibi hər kəsi, davamlı və ədalətli bir sülh təmin olunana qədər bu mübarizəyə qoşulmağa, Fələstin üçün tək ürək olmağa dəvət edirəm. İsrailin hücumlarında şəhid olan fələstinli qardaşlarımızı rəhmətlə anır, Uca Rəbbimdən səbir və dik duruşla mübarizə aparan Fələstin xalqına zəfər diləyirəm.”
Emine Ərdoğanın paylaşımında, həmçinin özünün Qəzza ilə bağlı əvvəlki çıxışlarını və bölgədəki dağıntıları əks etdirən görüntüləri əks etdirən bir video da yer alıb.
