TRT-nin beynəlxalq rəqəmsal platforması olan "Tabii"də yayımlanan "Rainbow Fascism" (Göy qurşağı faşizmi) adlı sənədli film dövrümüzün ən mübahisəli və aktual mövzularından birinə tənqidi baxış bucağı qazandırır.
12 ölkədən ekspert rəyləri, akademik araşdırmalar və real həyat hekayələrinə əsaslanan film, ilkin mərhələdə “tolerantlıq” şüarı ilə ortaya çıxan bir hərəkatın zamanla necə dominant ideoloji çərçivəyə çevrildiyini sual altına alır.
Altı hissədən ibarət sənədli film təhsil və mediadan tutmuş hüquq və ailə strukturuna qədər bir çox sahəyə nüfuz edən qlobal lobbiçilik fəaliyyətlərini təhlil edir.
12 fərqli ölkədə çəkilən və iki ildən çox davam edən fundamental araşdırmalara əsaslanan sənədli film məsələnin qlobal miqyasını işıqlandırmağı hədəfləyir. Almaniyadan ABŞ-a, Böyük Britaniyadan Niderlanda qədər uzanan bu ekran əsəri LGBTQ+ lobbilərinin media, akademiya və siyasət üzərindəki həlledici təsirini araşdırır.
Film bu strukturların sadəcə fərdi seçimlərlə məhdudlaşmadığını, həm də institusional təzyiq mexanizmlərinə çevrildiyini iddia edir. Hüquqi və sosioloji faktlarla dəstəklənən sənədli filmdə cəmiyyətlərin bu inkişaflara qarşı reaksiyaları və söz azadlığının senzura ilə necə məhdudlaşdırıldığı təhlil olunur.
Bəsit şüarlardan uzaq olan sənədli film elmi məlumatlar vasitəsilə irəliləyir və eyni zamanda prosesi formalaşdıran qlobal aktyorların rollarını da ifşa edir.
Sənədli filmin altı bölümünün hər biri fərqli bir müzakirə sahəsinə həsr olunub. "XX–XY" adlı bölümdə cinsiyyətin bioloji və sosial aspektləri müxtəlif nöqteyi-nəzərlərdən araşdırılır.
Filmin ən diqqətçəkən hissələri olan "Buna dəyərmi?" və "Aldatma" bölümlərində gender kimliyinin necə bir marketinq alətinə çevrilməsindən bəhs edilir. Burada kimliyin ticarət obyektinə çevrilməsi və bu ideologiya ilə qlobal iqtisadiyyat arasındakı mürəkkəb əlaqə, "göy qurşağı" simvolu ətrafında formalaşmış nəhəng bir sənaye kimi təqdim olunur.
Gənclərə olan təsirlərin araşdırıldığı bölümlərdə ‘‘drag queen’’ mədəniyyəti və medianın bu mövzunu necə təqdim etdiyi müzakirə edilir, bunun gənclərdə kimliklə bağlı çaşqınlıq yaradıb-yaratmadığı sual altına alınır
Bioloji reallıqla sosial performans arasındakı gərginlik tibbi, etik və teoloji aspektlərdən təhlil edilir. Bu bölümlər fərdi azadlıq adı altında sosial sərhədlərin necə pozulduğunu və bunun ənənəvi ailə strukturuna göstərdiyi dağıdıcı təsirləri geniş müzakirəyə çıxarır.
