İranın xarici işlər naziri Abbas Əraqçi Nyu-Yorkda BMT Baş Assambleyası çərçivəsində ABŞ Prezidenti Donald Trampın xüsusi nümayəndələri Stiv Vitkoff və Cared Kuşnerlə görüşüb.

İran dövlət televiziyası bu məlumatı təsdiqləyib. Görüşdə Abbas Əraqçi Hörmüz boğazının açılması üçün İranın şərtlərini qarşı tərəfə çatdırıb.

İranın tələblərinə ABŞ-nin dəniz blokadasına dərhal son qoyması, dondurulmuş bütün İran aktivlərinin blokdan çıxarılması və "müqavimət cəbhəsi"də döyüşlərin dayandırılması daxildir.

Bu, iyun ayında Pakistanda əldə olunan razılaşmadan sonra yenidən başlanan qarşıdurmalardan bəri Tehran ilə Vaşinqton arasında ilk yüksək səviyyəli üzbəüz görüş olub.

ABŞ Prezidenti Donald Tramp Nyu-Yorkda İran nümayəndə heyəti ilə təxminən üç saat davam edən görüşün çox yaxşı keçdiyini bildirib.