FİFA Ərəb Kuboku turniri çərçivəsində Fələstin futbol millisi Qətərin əl-Xaur şəhərində ev sahibi Qətər yığmnasının qonağı olub.

95-ci dəqiqədə Sultan əl-Brakenin topu öz qapısına göndərərək avtoqol etməsi Fələstin yığmasına üç xal qazandırıb.

Ev sahibi komandanın “Əl-Bayt” Stadionunu dolduran həyəcanlı azarkeşlər Qətər millisinin son saniyədəki məğlubiyyətinə məyus olublar. Oyunda Fələstin millisi müdafiə strategiyası ilə oyun apardığı üçün, Qətər millisi real qol imkanları yaratmaqda çətinlik çəkib.

İlk hissənin gərgin keçməsindən sonra, Mixael Termaninin Əkram Afifi cərimə meydançasında yıxması epizodunda qətərli oyunçular penalti tələb etsə də, hakim oyunun davam etməsinə qərar verdi.

Matçın sonunda Fələstin yığmasının pressinqi əlavə vaxtın son saniyələrində nəticə verib. Belə ki, Məhəmməd Salehin cərimə meydançasına endirdiyi baş zərbəsi Sultan əl-Brake tərəfindən öz qapısına yönləndirilib. Bu qoldan sonra “Əl-Bayt” tribunalarında sükut və məyusluq yaranıb. Fələstinin 0-1 hesabıyla qalibiyəti turnirin son illərdəki ən böyük sürprizlərindən birinə çevrilib.