Türkiyə Prezidenti Rəcəb Tayyib Ərdoğan Bitlisdə keçirilən Malazgird zəfərinin 955-ci ildönümü münasibətilə təşkil olunan tədbirdə iştirak edib.
Tədbirdə çıxış edən ölkə başçısı R.T.Ərdoğan deyib: "Qazanan bəşəriyyət və qardaşlıq olacaq. Sülh və sabitlik bərqərar olacaq. Qazanan 86 milyon vətəndaşı ilə bütöv Türkiyə xalqı olacaq."
"Malazgird zəfərindən İstanbulun fəthinə, Çanaqqaladan Milli Mübarizəyə, terrorla mübarizədən 15 iyul dastanına qədər min ildir bu əziz vətən və bu millət uğrunda canlarını verən bütün şəhidlərimizi bu gün bir daha rəhmətlə anıram. Eyni gələcəyin, eyni hədəfin və eyni ümidin ardınca gedənlər məhz buradadır. Türkü, kürdü, ərəbi, ələvisi və sünnisi ilə çiyin-çiyinə verənlər məhz buradadır. Heç kimin şübhəsi olmasın. Böyük və qüdrətli Türkiyənin sübh çağı başlayıb. Türkiyə Yüz ilinin inşasına start verib. İki il əvvəl Əxlatdan başlatdığımız terrorsuz Türkiyə prosesi hədəfinə çatdıqda, inşallah, millətimizin qarşısında yeni bir dövrün qapıları açılacaq. Qan alverçiləri uduzacaq. Terrordan bəhrələnən fürsətçilər uduzacaq. Coğrafiyamızı sabitliksizliyə qərq etmək istəyən soyqırımçılar uduzacaq. Qazanan bəşəriyyət cəbhəsi olacaq, qardaşlıq olacaq. Sülh və sabitlik olacaq. Qazanan 86 milyon vətəndaşı ilə Türkiyə xalqı olacaq. Türkiyə ilə yanaşı coğrafiyamızdakı bütün qardaş xalqlar qazanacaq. Bunun kimləri narahat etdiyini bilirik. Kimləri təşvişə saldığını bilirik. Onlara deyirəm ki, nə edirsinizsə edin, bizi yolumuzdan döndərə bilməzsiniz. Türklər, kürdlər, ərəblər olaraq qardaş kimi qucaqlaşmağımıza maneə ola bilməzsiniz,” – deyə ölkə başçısı bildirib.
