Türkiyə Prezidenti Rəcəb Tayyib Ərdoğan dekabrın 6-da Venesuela Prezidenti Nikolas Maduro ilə telefon danışığı aparıb. Bu barədə Türkiyə Prezident Administrasiyası məlumat yayıb.

Bildirilir ki, telefon danışığı zamanı ölkə başçısı R.T.Ərdoğan ABŞ ilə dialoq kanallarının açıq saxlanılmasının əhəmiyyətini vurğulayıb. Liderlər söhbət zamanı ikitərəfli münasibətlər və regionda baş verən mühüm proseslərlə bağlı fikir mübadiləsi aparıblar.

Həmçinin prezident R.T.Ərdoğan Amerika Birləşmiş Ştatları ilə Venesuela arasında dialoqun davam etdirilməsinin vacibliyini qeyd edib və mövcud gərginliyin azalma perspektivinə ümid etdiyini bildirib.