Müraciətlər 20 avqust – 15 oktyabr tarixləri arasında "gorselsanat.ktb.gov.tr" saytı vasitəsilə onlayn qəbul ediləcək.

Mədəniyyət və Turizm Nazirliyinin təşkilatçılığı, Yeni Türkiyə Təhsil Fondunun (YETEV) dəstəyi ilə keçirilən 23-cü Dövlət Türk Sənətləri Müsabiqəsinə start verilir.

Nazirlikdən verilən açıqlamaya görə, müsabiqənin məqsədi ənənəvi türk sənətlərini dəstəkləmək, yeni istedadlar kəşf etmək və sənətçiləri ənənəvi köklərə söykənərək orijinal əsərlər yaratmağa həvəsləndirməkdir.

Müsabiqə 7 kateqoriya üzrə təşkil olunacaq: hüsn-xətt (xəttatlıq), tezhib (qızıllama/işıqlandırma), miniatür, ebru, çini (kafel/keramika rəsmi), qələm işi və kat'ı (kağızoyma). Münsiflər heyəti tərəfindən seçilən əsərlərdən ibarət xüsusi sərgi də təşkil ediləcək.

Müsabiqə çərçivəsində ümumilikdə 2 730 000 Türk Lirəsi məbləğində mükafat fondunun paylanması nəzərdə tutulur: hər kateqoriya üzrə qalib gələn 3 iştirakçıya 80 000 TL, sərgilənmək üçün seçilən 42 əsərin müəllifinə isə 25 000 TL pul mükafatı veriləcək.

Müsabiqədə iştirak etmək istəyənlər müraciətlərini 20 avqust – 15 oktyabr tarixləri arasında "gorselsanat.ktb.gov.tr" saytı vasitəsilə onlayn qaydada təqdim edə bilərlər. Müsabiqənin şərtləri və ətraflı məlumatla da həmin internet ünvanından tanış olmaq mümkündür.