Türkiyə Böyük Millət Məclisinin (TBMM) sədri Numan Kurtulmuş Bakıda keçirilən İslam Əməkdaşlıq Təşkilatı Parlament İttifaqının (İƏTPİ) 20-ci Konfransı çərçivəsində Azərbaycan Milli Məclisinin sədri Sahibə Qafarova ilə görüşüb.

Heydər Əliyev Mərkəzində keçirilən görüşdə Şuşa Bəyannaməsinə əsasən, iki ölkə arasındakı müttəfiqliyin bütün sahələrdə daha da gücləndiriləcəyi bildirilib. Numan Kurtulmuş görüş zamanı həmkarı Sahibə Qafarovanı təşkilata sədrliyin İndoneziyadan Azərbaycana keçməsi münasibətilə təbrik edib və Bakıdakı konfransın regional əməkdaşlıq baxımından səmərəli nəticələr verəcəyinə əminliyini ifadə edib.