ABŞ Senatında keçirilən komitə iclasını yarıda kəsən ABŞ-nin keçmiş dəniz piyadası təhlükəsizlik əməkdaşları tərəfindən zorla zaldan çıxarılıb və bu zaman onun əli sınıb. Keçmiş hərbçi bildirib ki, qanunvericilərin toplandığı bu mühiti ABŞ və İsrailin İrana qarşı apardığı müharibəyə etiraz etmək üçün fürsət kimi qiymətləndirib.

Brayan MakGinnis martın 4-də həyata keçirdiyi etiraz aksiyası ilə əlaqədar polis əməkdaşına hücum, polisə müqavimət və “qanunsuz” aksiyanın təşkili ittihamları ilə üzləşib.

Fələstin əsilli amerikalı ilə evli olan B.MakGinnis qeyd edib ki, ABŞ-nin İsrailin Qəzzada həyata keçirdiyi soyqırıma və hazırda İrana qarşı aparılan müharibəyə verdiyi qeyd-şərtsiz dəstək səbəbindən səsini qaldırmaq məcburiyyətində qalıb.

B.MakGinnis “TRT World”ə verdiyi müsahibədə deyib: “ABŞ İsrailin bölgədə genişlənə bilməsi üçün İranı sabitsizləşdirməyə və məhv etməyə məcbur edilir.”