İyulun 7-də husilər Qırmızı dənizdə bir yük gəmisinə edilən hücuma görə məsuliyyəti öz üzərlərinə götürüblər. Böyük Britaniyanın Dəniz Ticarəti Əməliyyatları Koordinasiya Ofisinin yaydığı məlumatda iyulun 6-da Yəmənin Hodeyda limanından 51 dəniz mili cənub-qərbdə olan bir gəminin hücuma məruz qaldığı bildirilib.

Yayımlanan görüntülərdə gəminin müxtəlif hissələrinin vurulduğu əks olunur və hücumun silahlı basqınla müşayiət olunduğu qeyd edilir. Husilərin sözçüsü Yəhya Sare hücumun iki pilotsuz qayıq, beş ballistik və qanadlı raket, həmçinin üç pilotsuz uçuş aparatı ilə həyata keçirildiyini açıqlayıb.

“MarineTraffic”in məlumatına görə, videonun sonunda Liberiya bayrağı altında üzən yük gəmisinin batdığı müşahidə olunur.