Rusya əsilli İsrail vətəndaşı müstəqil jurnalist və aktivist Andrey İliç Xrjanovski – digər adı ilə Andrey X – atəşkəs razılaşması çərçivəsində azadlığa buraxılan fələstinlinin evinə İsrail qüvvələrinin basqın etməsi anlarına aid görüntüləri paylaşıb. Hadisə işğal altındakı İordaniya çayının qərb sahilindəki Yatta şəhərində baş verib. Basqını lentə alan jurnalistə İsrail qüvvələri silah tuşlayıb və ona qarşı gözyaşardıcı qazdan istifadə ediblər.