İsrailin maliyyə naziri Bezalel Smotriç işğal altındakı İordan çayının qərb sahilində yerləşən qanunsuz İsrail yaşayış məntəqələrinin rəhbərləri ilə keçirdiyi qapalı konfransda Qəzza və İordan çayının qərb sahili ilə bağlı planlarını açıqlayıb. Məlumata görə, B.Smotriç çıxışı zamanı “Oslo” razılaşmalarının ləğvini, Fələstin dövlətinin yaradılmasının rədd edilməsini və əhalinin zorla köçürülməsini nəzərdə tutan planlardan bəhs edib. O bildirib ki, fələstinlilərin etnik təmizlənməsi “əsas hədəf” kimi müəyyən edilib.