Rəsmi Tehran Təl-Əviv rəhbərliyinin İran dövlət televiziyasına hücumundan sonra İsrailə qarşı növbəti hücum dalğasına başlayıb.

“Haaretz” qəzetinin məlumatına görə, Təl-Əviv və İsrailin müxtəlif bölgələrində hava hücumu siqnalları səslənib.

İyunun 13-də İsrailin İranda yerləşən hərbi və nüvə obyektləri də daxil olmaqla bir sıra hədəflərə koordinasiyalı hava hücumları həyata keçirməsi və Tehran tərəfindən buna cavab olaraq başladılan raket zərbələri bölgədə gərginliyi daha da artırıb.

İsrail rəsmiləri iyunun 13-dən bəri İranın raket hücumlarında təxminən 24 nəfərin öldüyünü, yüzlərlə insanın isə yaralandığını bildirib.

İran isə İsrailin hava hücumları nəticəsində təxminən 224 nəfərin həyatını itirdiyini və minə yaxın insanın yaralandığını açıqlayıb.