Qəzza zolağında İsrail ordusunun atəşkəsə baxmayaraq son 24 saatda təşkil etdiyi hücumlarda daha 8 nəfər həyatını itirib.
Qəzzadakı Səhiyyə Nazirliyindən verilən yazılı açıqlamada İsrailin 2023-cü ilin oktyabr ayından bəri Qəzzaya təşkil etdiyi hücumlarda qeydə alınan can itkilərinə dair son məlumatlar paylaşılıb.
Açıqlamada atəşkəsə baxmayaraq İsrail hücumlarının davam etdiyi Qəzzada son 24 saatda 8 nəfərin həyatını itirdiyi, 26 nəfərin isə yaralandığı bildirilib.
Açıqlamada qeyd olnub ki, Qəzzada atəşkəsin qüvvəyə mindiyi 10 oktyabr 2025-ci il tarixdən bəri İsrailin hücumlarında 1 439 nəfər dünyasını dəyişib, 5 min 52 nəfər yaralanıb, dağıntılar altından isə 834 nəfərin cəsədi çıxarılıb.
Ayrıca, İsrailin 2023-cü ilin oktyabrından bəri Qəzza zolağına təşkil etdiyi hücumlarda ümumi can itkisinin 74 min 40-a, yaralı sayının isə 175 min 168-ə yüksəldiyi qeyd olunub.
Qəzza zolağında dağıntılar altında hələ də minlərlə cəsədin olduğu bildirilir.
