Avropa Siyasi Birliyinin 8-ci Zirvə Toplantısında iştirak etmək üçün Ermənistana gedən İspaniya Baş naziri Pedro Sançesin təyyarəsi Ankarada təcili eniş edib. Pedro Sançesi daşıyan ‘‘Airbus A310’’ tipli təyyarə gözlənilməz texniki problem səbəbindən Ankarada təcili eniş etmək məcburiyyətində qalıb. Standart təhlükəsizlik prosedurlarının yerinə yetirilməsi və nasazlığın aradan qaldırılması üçün təyyarə bir gecə Ankarada qalıb. Problem aradan qaldırıldıqdan sonra Sançes Avropa Siyasi Birliyinin iclasında iştirak etmək üçün İrəvana yola düşüb.

İspaniyanın rəsmi EFE xəbər agentliyinin yaydığı məlumatda qeyd olunur ki, bu, Baş nazirin səfərləri zamanı üzləşdiyi ilk texniki problem deyil. Ötən ilin sentyabrında da oxşar nasazlıq səbəbindən Sançes Parisdəki görüşə gedə bilməyərək Madridə qayıtmalı olmub və müzakirələrə onlayn qaydada qatılılıb.