BMT-nin Baş katibi Antonio Quterreş Suriya prezidenti Əhməd Şəraa ilə siyasi keçid prosesi və regional əməkdaşlıq mövzusunda müzakirələr aparıb. Bu barədə Quterreşin ofisindən yayılan bəyanatda bildirilib.
Baş katib prosesin geniş dialoq və hər kəsin iştirakı ilə davam etməsinin vacibliyini vurğulayıb. Sentyabrın 24-də yayımlanan bəyanatda bildirilib ki, baş katib Suriyanın suverenliyi və ərazi bütövlüyünün təşviq edilməsinin vacibliyini vurğulayıb və 1974-cü il Qüvvələrin Ayrılması Sazişinin pozulması ilə bağlı narahatlığını ifadə edib.
Antonio Quterreş və Əhməd Şəraa BMT ilə Suriya arasında əməkdaşlığın genişləndirilməsi imkanlarını müzakirə edib, həmçinin Yaxın Şərqdəki mövcud vəziyyət barədə fikir mübadiləsi aparıblar.
Qeyd edilir ki, 25 il boyunca Suriyanın lideri olmuş Bəşər Əsəd ötən ilin dekabrında Rusiyaya qaçaraq 1963-cü ildən hakimiyyətdə olan ‘‘Baas’’ rejiminə son qoyub.
Yeni keçid hökuməti yanvar ayında formalaşıb. Əhməd Şəraa 1967-ci ildən bəri BMT Baş Assambleyasında çıxış edən ilk Suriya prezidenti olub.
