Rusiyanın keçmiş dövlət başçısı Dmitri Medvedev bildirib ki, Avropa Rusiyaya qarşı müharibəyə tab gətirə bilməz, lakin onun liderləri belə bir səhvə yol verərsə, bu, kütləvi qırğın silahlarından istifadə ilə bağlı münaqişəyə çevrilə bilər.

Medvedev "Telegram"da etdiyi paylaşımda bəyan edib ki, Rusiyaya belə bir müharibə, xüsusən də “soyuq və köhnə Avropa” ilə müharibə lazım deyil.

Avropa qüvvələri Rusiya ilə müharibəyə tab gətirə bilməz” deyən Medvedev, bununla belə, “ölümlü qəzanın həmişə mümkün olduğunu” əlavə edib.

“Və belə bir münaqişənin kütləvi qırğın silahlarının istifadəsini nəzərdə tutan müharibəyə çevrilə bilməsi riski tamamilə realdır”, - deyə o qeyd edib.

Hazırda Rusiya Təhlükəsizlik Şurasının sədr müavini vəzifəsini icra edən Medvedev yaxın 5 il ərzində Avropa ölkələrində Rusiya ilə mümkün müharibə ilə bağlı spekulyasiyalara son qoyulmasının vacibliyini vurğulayaraq, belə spekulyasiyaların Moskvanın maraqlarına zidd olduğunu bildirib.

Medvedev həmçinin Avropa iqtisadiyyatının “zəif və ABŞ-dan asılı olduğunu” müdafiə edərək, qitəni “xüsusiyyətini itirməkdə və aqressiv mühacirlərin içində yox olmaqla” ittiham edib.

2008-2012-ci illərdə Rusiya prezidenti vəzifəsini də icra edən Medvedev Ukrayna müharibəsi zamanı Qərb hökumətlərinə qarşı sərt bəyanatları ilə tanınıb.

Medvedevin son bəyanatları Avropada müdafiə xərcləri və təhlükəsizliyə hazırlıqla bağlı artan müzakirələr fonunda səslənib.