İsrailin daxili kəşfiyyat idarəsinin keçmiş rəhbəri Şin Bet Baş nazir Benyamin Netanyahunu Qəzzada girovları öz taleylərinə buraxmaqda və şəxsi maraqları üçün hakimiyyəti buraxmamaqda ittiham edib.
Ami Ayalon aprelin 29-da "Guardian" qəzetindəki məqaləsində yazıb: "Həqiqət budur ki, Qəzzadakı girovlarımızı öz hökumətinin məsihçi ideologiyası və şəxsi maraqları üçün hakimiyyəti buraxmamaq üçün cəhd edən Baş nazir Benyamin Netanyahu öz taleyinə buraxıb".
"Hökumətimiz öz gücünü artırmaq və saxlamaq üçün dövlətin demokratik funksiyalarına xələl gətirir. Ayrıca bizi yalnız daha çox insan itkisi və nifrətlə nəticələnəcək, əldə edilə bilən hərbi məqsədləri olmayan əbədi müharibəyə məcbur edir", -deyə Ayalon yazıb.
Ayalon bildirib ki, israillilərin 70 faizi “girovların qaytarılması müqabilində müharibəyə hərtərəfli son qoyulması və mövcud hökuməti dəyişdirmək üçün təcili seçkilərin keçirilməsinin zəruriliyi” ilə razılaşır.
Keçmiş təhlükəsizlik rəhbəri bildirib ki, minlərlə hərbçi və kəşfiyyat işçisi israilli girovun azad edilməsi müqabilində İsrailin Qəzzada müharibəsinə son qoyulmasını tələb edən ərizənamə və məktublar imzalayıb.
Girovların qaytarılması və müharibənin dayandırılması üçün ərizələr
İsrailin son məlumatlarına görə, 150 minə yaxın İsrail vətəndaşı Qəzzada girovların qaytarılması və müharibənin dayandırılması tələbi ilə ərizə imzalayıb.
Ayalon "Bizə lazım olan dövlətin quruluşunu parçalamağa çalışan ekstremist bir hökumət deyil, ancaq xaricdəki dostlarımızın İsrail xalqına dəstəklərini ifadə etmələrinə ehtiyacımız var" deyib.
Ayalon bildirib ki, Netanyahunun rəhbərliyi altında İsrail özünün mövcudluğuna dair təhlükə ilə qarşı-qarşıyadır.
Ayalonun sözlərinə görə, İsrail kifayət qədər sürət və düzgün kurs yaratmasa, yəhudi və demokratik dövlət kimi mövcudluğu təhlükə altındadır.
İsrail hazırda Qəzzada qalan 59 girovdan 24-nün hələ də sağ olduğuna ümid edir. Bununla belə, İsrail həbsxanalarında 9500-dən çox fələstinli məhbus var və məhbusların ölümünə səbəb olan işgəncə, aclıq və tibbi laqeydlik barədə çoxsaylı məlumatlar yayılır.
Misir və Qətərin Amerikanın dəstəyilə vasitəçilik etdiyi Fələstin müqavimət qrupu HƏMAS arasında ilkin atəşkəs və girov mübadiləsi razılaşması yanvarın 19-da qüvvəyə minib və keçən ay İsrail tərəfindən pozulub.
2023-cü ilin oktyabr ayından İsrailin Qəzzaya qarşı vəhşi hücumları nəticəsində əksəriyyəti qadın və uşaq olmaqla 52.300-dən çox fələstinli həyatını itirib.
Beynəlxalq Cinayət Məhkəməsi ötən ilin noyabrında Netanyahu və keçmiş müdafiə naziri Yoav Qallantın Qəzzada hərbi cinayətlər və insanlığa qarşı cinayətlər törətdiyinə görə həbs olunmasına order verib. İsrail həmçinin regionda apardığı müharibəyə görə Beynəlxalq Ədalət Məhkəməsində soyqırım işi ilə qarşı-qarşıyadır.
