Türkiyənin xarici işlər naziri Hakan Fidan Belçikaya səfəri çərçivəsində Brüsseldə NATO-nun baş katibi Mark Rutte ilə görüşüb. Diplomatik mənbələrdən əldə edilən məlumata görə, tərəflər arasında ikitərəfli danışıqlar baş tutub.
Görüşlə bağlı rəsmi internet səhifəsində paylaşım edən NATO-nun mətbuat katibi Allison Hart deyib: "NATO-nun baş katibi Mark Rutte və xarici işlər naziri Hakan Fidan Qara dənizdəki təhlükəsizlik şəraitini, həmçinin Türkiyənin alyansın çəkindirmə və müdafiə qabiliyyətinə verdiyi mühüm töhfələri müzakirə ediblər".
