Qəzza Mülki Müdafiə İdarәsi axtarış-xilasetmə qruplarının Qəzzanın qərbində yerləşən bir evin dağıntıları altından 30 fələstinlinin cəsədini çıxardığını açıqlayıb. Məlumata görə, ölənlərin 2023-cü ilin 19 dekabr tarixindә əl-Rimal məhəlləsində İsrailin həyata keçirdiyi hava hücumu nəticəsində həlak olan Səlim ailəsinin üzvləri olduğu müəyyən edilib.

Rəsmilər bildiriblər ki, sözügedən hücumda həyatını itirənlərin sayının təxminən 60 nəfər ola biləcəyi ehtimal edilir.

Mülki Müdafiə İdarəsi qeyd edib ki, dağıntılar altından cəsədlərin çıxarılması əməliyyatları ekskavator da daxil olmaqla məhdud avadanlıqla davam etdiriləcək.

Fələstin rəsmiləri isə İsrail qüvvələrinin Qəzzanın yarısından çoxunu işğal etdiyini və atəşkəsə baxmayaraq bölgənin digər yerlərində hücumların davam etdiyini bildirirlər.