ABŞ prezidenti Donald Tramp İranla ticarət əlaqələrini davam etdirən ölkələrə qarşı yeni gömrük tədbirləri elan edib.

Tramp bildirib ki, Tehranla iş görən istənilən ölkənin ABŞ ilə apardığı bütün ticarətə 25 faiz gömrük rüsumu tətbiq ediləcək və qərar dərhal qüvvəyə minəcək.

ABŞ Prezidentinin sözlərinə görə, sözügedən tariflər İranla ticarət edən bütün ölkələrə şamil olunacaq və bu məsələdə heç bir istisna nəzərdə tutulmur.

Tramp vurğulayıb ki, İranla ticarət əlaqələrini saxlayan ölkələr Vaşinqtonla olan bütün ticarət münasibətlərində cəza xarakterli tariflərlə üzləşəcək. O, bu mövqeyini bir neçə açıqlamasında təkrarlayıb.

Qərar Tramp administrasiyasının İrana qarşı apardığı iqtisadi təzyiq siyasətinin sərtləşdirilməsi kimi qiymətləndirilir. ABŞ rəhbərliyi Amerika bazarına çıxışı İranla ticarət əlaqələri ilə birbaşa əlaqələndirir.