Alabama həbsxanalarındakı məhbuslar dəhşətli həyat şəraitini sənədləşdirən kinorejissorlara şokedici görüntülər təqdim ediblər. Andrev Cereki və Şarlotta Kaufman tərəfindən çəkilən "The Alabama Solution" sənədli filminin premyerası bu həftə “Park City”dəki “Sundance” film festivalında keçirildi.
Cereki və Kaufman 2019-cu ildən Alabama həbsxanaları ilә maraqlanmağa başlayıb. ‘’The Jinx’’ və ‘‘Capturing the Friedmans’’ filmləri ilə məşhurlaşan Cekeki və Kaufman ilk olaraq bir keşişin müşayiəti ilə həbsxananın həyətində keçirilən dini ayin zamanı qadağan olunmuş ərazilərə daxil olublar. Burada məhbuslar kinorejissorlara içəridəki həyat haqqında şokedici məlumatlar veriblər.
‘’Associated Press’’ ştatın həbsxana sistemindəki problemlər haqqında geniş məlumat yayıb. Bunlara zorakılıq, işçilәrin azlığı və həbsxanaların tikintisi üçün pandemiya fondlarından sui-istifadə daxildir. O vaxt onlar illərdir sistemdəki dəhşətli şəraiti və köklü korrupsiyanı ifşa etməyə çalışan Melvin Rey və Robert Erl Council adlı məhbuslarla əlaqə saxlayıblar. Onlar qaçaqmalçılıq yolu ilə gətirilən mobil telefonlar vasitəsilə kinorejissorlara məlumat ötürüblər.
Kaufman deyib: "Biz onların təhlükəsizliyindən çox narahatıq və bu, onlarla ilk tanış olduğumuz gündən belədir. Onlar on illərdir ki, bunu edirlər və filmdə gördüyünüz kimi, məhbuslardan çox ekstremal şəkildə qisas alıblar."
Filmin premyerasında Şarlotta Kaufman Kounsil ilə əlaqə saxlayıb, mikrofonu mobil telefona yaxınlaşdıraraq onun çıxış etməsinə imkan yaradıb. Məhbusların ailə üzvləri də tamaşaçılar arasında olub. Onlar arasında 2019-cu ildə Viliam E.Donaldson həbsxanasında tanınmaz dərəcədə döyülərək öldürülən Stiven Devisin anası Sandi Rey də var idi. Həbsxana rəsmiləri Devisin silahlarını yerə qoymaq istəmədiyi üçün öldürüldüyünü bildiriblər, lakin məhbuslar tamamilə fərqli məlumatlar veriblər.
Nyu-Yorkda 12 il həbsdə yatmış Aleks Duran da filmin çəkilişinə kömək edib. "Bu filmdə gördükləriniz bütün ölkədə baş verir", - deyə A.Duran vurğulayıb.
