HƏMAS-ın sözçüsü Hazem Kassem deyib ki, ABŞ “girovların həyatı ilə maraqlanırsa” İsraili atəşkəs razılaşmasına əməl etməyə məcbur etməlidir.
Fələstin müqavimət döyüşçüləri Qəzza zolağında atəşkəsin iflasa uğrama riskinə baxmayaraq, son girov mübadiləsini tamamlayıb İsrailin azad etdiyi yüzlərlə fələstinli girov müqabilində HƏMAS üç israilli girovu azad edib.
Kürsüdə açıqlama verdikdən sonra İsrail-Amerika vətəndaşı Sagui Dekel-Çen, İsrail-Rusiya vətəndaşı Saşa Trupanov və İsrail-Argentina vətəndaşı Yair Horn Qırmızı Xaça təhvil verilərək yenidən İsrailə aparılıb. Bu adamlar 16 aydan artıq əsirlikdə idilər.
Qısa müddət sonra fələstinli girovları daşıyan avtobus İsrailin Ofer həbsxanasından çıxıb və işğal altındakı İordan çayının qərb sahilinin Ramallah şəhərində həyəcanlı izdihamla qarşılanıb.
Digər avtobuslar İsrailin Negev səhrasındakı həbsxanasından girovları Qəzza zolağına aparıb.
Yanvarın 19-da atəşkəsin qüvvəyə minməsindən sonra bu, altıncı mübadilədir. HƏMAS İsrailin qanun pozuntularına yol verdiyinə görə girovların azad edilməsini dayandırmaqla hədələyib, İsrail isə müharibəni yenidən başladacağı ilə hədələyib.
