Türkiyə Silahlı Qüvvələri (TSK) və Suriya ordusunun birgə əməkdaşlığı ilə həyata keçirilən, Suriyada Fərat çayının iki sahilini bir-birinə bağlayan üzən körpünün tikintisi başa çatıb.
Türkiyənin Dəməşqdəki səfiri Nuh Yılmaz "X" sosial media platformasındakı hesabında etdiyi paylaşımla Suriyada Fərat çayı üzərində yerləşən körpünün 30 Avqust Zəfər Bayramı günündə tamamlandığını bildirib.
Səfir Nuh Yılmaz TSK və Suriya ordusunun əməkdaşlığı ilə inşa edilən körpünün daşqın fəlakəti zamanı dağılmış köhnə körpünün əvəzinə tikildiyini qeyd edib.
Yılmaz paylaşımında deyib: "Türkiyə və Suriya silahlı qüvvələri sülh dövründə də gələcəyi birgə inşa edir".
Suriya Müdafiə naziri Murhaf Əbu Qasra da "X" hesabındakı paylaşımında körpünün Deyr əz-Zor əhalisinin nəqliyyat yükünü yüngülləşdirmək məqsədilə salındığını diqqətə çatdırıb.
Əbu Qasra etdiyi paylaşımda deyib: "Ölkələrimiz arasında etimadın və əməkdaşlığın möhkəmləndirilməsindəki ciddi səylərinə görə qardaşım, Türkiyənin müdafiə naziri ordu generalı Yaşar Gülerə ən səmimi təşəkkürlərimi bildirirəm".
