Malayziyanın Baş naziri Ənvər İbrahim Tailand və Kambocanın bazar ertəsindən etibarən qeyd-şərtsiz atəşkəs elan etdiyini açıqlayıb.
Malayziyada keçirilən vasitəçilik danışıqlarından sonra çıxış edən Ənvər İbrahim deyib:
"Həm Kamboca, həm də Tailand aşağıdakı qarşılıqlı anlaşmaya nail oldular: 2025-ci il iyulun 28-i, yerli vaxtla gecə yarısından etibarən dərhal və qeyd-şərtsiz atəşkəs tətbiq ediləcək."
Tailandın Baş naziri də məlumatı təsdiqləyərək deyib:"Tailand hər iki tərəfin yaxşı niyyətlə həyata keçirəcəyi atəşkəsə razılaşıb."
Kambocanın Baş naziri isə bugünkü danışıqların nəticəsinin “hər iki tərəfdən yüz minlərlə insanın həyatının normallaşması üçün yeni imkanlar yaradacağına” inandığını bildirib.
