Çinin Ticarət Nazirliyi ABŞ-ı səhvlərini düzəltməyə və Cenevrə danışıqlarında əldə olunan konsensusu dəstəkləməyə çağırıb.

Çin ABŞ-ın dünyanın iki ən böyük iqtisadiyyatı arasında ağır tariflərin azaldılması ilə bağlı razılaşmanı pozduğuna dair iddialarını "qəti şəkildə rədd etdiyini" söyləyib.

Qeyd edək ki, Pekin və Vaşinqton yüksək səviyyəli rəsmilərin keçən ay Cenevrədə apardığı danışıqlardan sonra 90 gün müddətinə yüksək tarifləri müvəqqəti azaltmaq barədə razılığa gəliblər.

Lakin iyunun 1-də “Fox News Sunday” telekanalına verdiyi müsahibədə ABŞ-ın ticarət naziri Hovard Lutnik Pekinin “müqaviləni yavaşlatdığını” deyib.

Rəsmi Pekin cavab olaraq Vaşinqtonun "əsassız ittihamlar irəli sürdüyünü və Çini faktlarla ciddi şəkildə ziddiyyət təşkil edən razılaşmanı pozmaqda əsassız olaraq ittiham etdiyini" bildirib.

Açıqlamada deyilib: "Vaşinqton əsassız ittihamlar irəli sürür və əsassız olaraq Çini razılaşmanı pozmaqda ittiham edir, lakin bunun həqiqətlə heç bir əlaqəsi yoxdur”.

Çinin Ticarət Nazirliyi açıqlamasında "Çin bu əsassız ittihamları qətiyyətlə rədd edir" deyilib.

"Çinlə orta yol tapın"

Qeyd edək ki, ABŞ prezidenti Donald Tramp ötən həftə heç bir detal vermədən Çinin müqaviləni “tamamilə pozduğunu” söylədi.

Bununla belə, Pekinin Ticarət Nazirliyi “hüquqlarını və maraqlarını qorumaqda qərarlı və razılaşmanı həyata keçirməkdə səmimi olduğunu” bildirdi.

Açıqlamada ayrıca deyilib ki, Vaşinqton süni intellekt çiplərinə ixrac nəzarəti və ABŞ-da Çin tələbə vizalarının ləğv edilməsinə istinad edərək, “Çinə qarşı ardıcıl olaraq bir sıra ayrı-seçkilik və məhdudlaşdırıcı tədbirlər həyata keçirib.

ABŞ-ı Çinlə orta yol tapmağa, onun yanlış hərəkətlərini dərhal düzəltməyə və Cenevrə ticarət danışıqlarında konsensusu birgə qorumağa çağırırıq.

Açıqlamada əks halda Çinin öz qanuni hüquq və maraqlarını qorumaq üçün qətiyyətlə güclü tədbirlər görməyə davam edəcəyi vurğulanıb.