ABŞ Prezidenti Donald Tramp Ohayodan Vaşinqtona qayıdarkən jurnalistlərin suallarını cavablandırıb.
Jurnalistlərin danışıqlar prosesi ilə bağlı sualına cavab verən D.Tramp Tehrana heç vaxt etibar etmədiyini bildirib: "Mən İrana etibar etmirəm. Niyə İrana etibar etdiyimi düşünürsünüz? Onlara etibar edəcək sonuncu şəxs mənəm, çünki mənə daim yalan danışıblar".
D.Tramp həmçinin Hörmüz boğazının tamamilə ABŞ Hərbi Dəniz Qüvvələrinin nəzarətində olduğunu irəli sürüb: "Hazırda Hörmüz boğazı bizim nəzarətimiz altındadır. Strateji boğazı onlar deyil, biz idarə edirik".
ABŞ Prezidenti ötən ay Türkiyədəki NATO sammitindən qayıdərkən təhlükəsizlik səbəbindən başqa təyyarəyə mindiyini təsdiqləyib. O bildirib ki, bu addım Məxfi Xidmətin xəbərdarlığından sonra atılıb.
"Mən sadəcə Məxfi Xidmətin və ordunun təlimatlarına əməl edirəm. Məndən təhlükəsizlik məqsədilə eyni səviyyəli başqa bir təyyarə ilə uçmağımı istədilər və mən də buna riayət etdim", — deyə Tramp əlavə edib.
